ထိုသူသည် သူတို့အလုံးအရင်းကို အရေအတွက်အားဖြင့် ထုတ်ဆောင်တော်မူ၏။ အလုံးစုံတို့ကို
နာမည်ဖြင့် ခေါ်တော်မူ၏။ (း၂၆)
Love
Letters from God စာအုပ်၌ Glenys Nellist က ကလေးများကို မိမိနည်း
မိမိဟန်ဖြင့် ဘုရားသခင်နှင့်
အပြန်အလှန် နက်ရှိုင်းစွာဆက်သွယ်ကြရန်
ဖိတ်ခေါ် ထားသည်။ ဤကလေးစာအုပ်များ၌ သမ္မာကျမ်းစာပုံပြင်တစ်ပုဒ်စီ၏
အဆုံးတွင်
ဘုရားသခင်မှ ကလေးမျာထံ ပေးပို့သော
စာတိုလေးနှင့် ကလေး၏နာမည်ကို
ရေးဖြည့်ရန်
နေရာလွတ် ပါရှိသည်။
ဝိညာဉ်ရေးသမ္မာတရားကို မိမိတို့နှင့်
သက်ဆိုင်စေခြင်းဖြင့် သမ္မာကျမ်းစာသည် ပုံပြင်စာအုပ် မဟုတ်ကြောင်း
စာဖတ်သူကလေးများ နားလည်လာသည်။
ဘုရားရှင်သည် ကလေးများနှင့်
ရင်းနှီးမိတ်သဟာယဖွဲ့လိုပြီး နှုတ်ကပတ်တော်အားဖြင့် သူအလွန်ချစ်သော ကလေး
များကို စကားပြောကြောင်း သူတို့ကို သင်ကြားပေးသည်။
ကျွန်ုပ်၏တူလေးအတွက်
ထိုစာအုပ်လေးဝယ်ပေးပြီး ဘုရားသခင်ပေးပို့သောစာတိုလေးများ၏အစ နေရာလွတ် တွင်
သူ့နာမည်ကို ဖြည့်ပေးခဲ့သည်။ သူ့နာမည်ကို မြင်ရသော် ဝမ်းမြောက်ပြီး သူက
‘‘ဘုရားသခင်က သားကိုလည်း ချစ်တယ်’’ ဟု ပြောသည်။ ကျွန်ုပ်တို့၏
ချစ်ခင်ကြင်နာသောဖန်ဆင်းရှင်၏မေတ္တာတော်ကို နက်နက်ရှိုင်းရှိုင်း၊
ပြည့်ပြည့်ဝဝ သိရှိရခြင်းက လွန်စွာမှ ကျေနပ်နှစ်သိမ့်ရာဖြစ်ပါသည်။
ပရောဖက်ဟေရှာယအားဖြင့်
ဘုရားသခင်သည် ဣသရေလလူတို့ကို တိုက်ရိုက် စကားပြောသောအခါ သူတို့ကို
ကောင်းကင်သို့ အာရုံပြုစေသည်။ ဘုရားသခင်က သူသည် ကြယ်တစ်လုံးစီ၏တန်ဖိုးကို
သတ်မှတ်ပေးပြီး မေတ္တာဖြင့်
လမ်းညွှန်လျက်‘‘ကြယ်အလုံးအရင်း’’ကိုသူထိန်းချုပ်ကြောင်း (ဟေရှာ ၄၀း၂၆)
မိန့်တော်မူသည်။
ရည်ရွယ်ချက်နှင့် အဆုံးမဲ့ချစ်ခြင်းဖြင့် သူထုဆစ်ခဲ့သည့်
ကြယ် (သို့) သူငယ် တစ်ဦးတစ်လေကိုမျှ မမေ့၊ အဆုံးရှုံးမခံကြောင်း
လူမျိုးတော်ကို စိတ်ချမှုပေးခဲ့သည်။
သမ္မာကျမ်းပါ
အနန္တတန်ခိုးရှင် ဘုရားသခင်၏ ကျွန်ုပ်တို့နှင့်ရင်းနှီးကျွမ်းဝင် ပြီးသား
ကတိတော်များ၊ ချစ်မေတ္တာစာများကို သိမှတ်ချီးမွမ်းစဉ် ကျွန်ုပ်တို့၏
အမည်များ ကိုလည်း ရေးဖြည့်နိုင်ပါသည်။ ကလေးငယ်၏ဝမ်းမြောက် ကြည်နူးမှုနှင့်
‘‘ဘုရားသခင်က ကျွန်ုပ်ကိုလည်း ချစ်တယ်’’ဟု ယုံကြည်စိတ်ချမှုနှင့်
ကြွေးကြော်နိုင်ပါသည်။
XOCHITL DIXON
ဘုရားသခင်သည် သင့်ကိုချစ်ပြီး သင့်လိုအင်များကိုသိကြောင်း
သိရှိရခြင်းက သင့်ကိုမည်သို့ခံစားစေသနည်း။
ဘုရားသခင်၏သင့်အတွက်သီးသန့်ပေးထားသောကတိတော်ကို
အမှတ်ရရန် မည်သည့်ကျမ်းပိုဒ်ကို ရေးချပြီး
သင့်အမည်ကို ဖြည့်မည်နည်း။
အဘဘုရား၊
ကိုယ်တော်၏ချစ်မေတ္တာတော်သည် ကျွန်ုပ်တို့အယောက်စီအတွက် သီးသန့်လက်ဆောင်ဟု
အတည်ပြုပေးခြင်း၊ကျွန်ုပ်တို့၏အမည်များကိုသိရှိပြီး
ကျွန်ုပ်တို့၏လိုအင်များကို ဖြေရှင်းပေးမည်ဟု အာမခံခြင်းအတွက်
ကျေးဇူးတင်ပါ၏။
No comments:
Post a Comment