စိတ်နှလုံး သဘောထား

ဧ ၆း ၅ - ၉ လူတို့၏စိတ်ကို နူးညွတ်စေသောသူကဲ့သို့ မျက်မှောက်၌သာ နားထောင်သည်မဟုတ်၊ ခရစ်တော်၏ကျွန်ကဲ့သို့ စေတနာစိတ်နှင့် ဘုရားသခင်၏အလိုတော်ကို စောင့်၍.... ကြည်ညိုသောသဘောနှင့် အစေကို ခံကြ လော့။ အားကစားကွင်းတွင် မိမိ၏အစွမ်းအစကို အိတ်သွန်ဖာမှောက် ထုတ်သုံးသော အားကစား သမားများ၏ စွမ်းရည်နှင့်ဇောစိတ်တို့ကို ကြည့်ရှု အားပေးရင်း ကျွန်တော်သဘောကျမိသည်။ ၎င်းက အားကစားကို သူတို့ချစ်မြတ်နိုးကြောင်း ဖော်ပြနေ သည်။ တစ်ဖက်မှကြည့်ပြန်လျှင် အားကစားရာသီ ကုန်ခါနီးတွင် အားကစားအသင်းများ အနေဖြင့် ချန်ပီယံဖြစ်ရန်အခွင့်အရေးကုန်ပြီဖြစ်၍ ရှူံးထွက် ပွဲစဉ်များ ကစားပြီးပြိုင်ပွဲမှထွက်ရသည်။ အားကစား သမားများ အနေဖြင့် ‘ဒါပဲလုပ်စရာရှိတယ်လေ’ဟု သဘောထားနေသကဲ့သို့ ထင်ရသည်။ ပြိုင်ပွဲ၌ ပြင်းပြသော ဇောစိတ်မရှိသဖြင့် အခကြေးငွေ ပေးပြီး၊ ပွဲကောင်းကြည့်လိုသူများအတွက် စိတ်ပျက် သွားရတော့သည်။ ဇောစိတ်သည် ကျွန်ုပ်တို့ တစ်ဦးချင်းစီ၏ အသက်တာများအတွက်လည်း အဓိကသော့ချက်ဖြစ်ပါသည်။ မိမိ၏အစေခံပုံက ကိုယ်တော့်အပေါ် ကျွန်ုပ်တို့၏ နှလုံးသား သဘောထားများ မည်သို့ရှိသည်ကို ထင်ရှားဖော်ပြနေပါသည်။ တမန်တော်ကြီးရှင်ပေါလုက ကျွန်ုပ်တို့၏ နေ့စဉ်လုပ်ငန်းဆောင်တာများ လုပ်ကိုင်ပုံ၊ လုပ်ပုံလုပ်နည်းက အစေခံခြင်းအမှု၌ အကျုံးဝင်ကြောင်းဆိုထားသည်။ (ဧ ၆း ၆ – ၇)တွင် “ခရစ်တော်၏ ကျွန်ကဲ့သို့ စေတနာစိတ် နှင့် ဘုရားသခင်၏အလိုတော်ကိုစောင့်၍၊ လူ၏အစေကိုခံသကဲ့သို့မဟုတ်၊ သခင်ဘုရား၏ အစေကိုခံကြလော့” ဟု အလုပ်မည်သို့ လုပ်ကိုင်ရမည်ကို ဖော်ပြထားသည်။ ထိုကျမ်းပိုဒ်တွင် “စေတနာစိတ်” ဟူသောအချက်က ကျွန်ုပ်အတွက် သော့ချက်ဖြစ်သည်။ ကျွန်ုပ်အတွက် ကောင်းကင်ဘုံရှင်အဖရှိနေပြီး၊ ကိုယ်တော်က ကျွန်ုပ်ကို နက်နဲစွာချစ်လျက် သူ့သားတော်ကို ကျွန်ုပ်အတွက် ပူဇော်ခဲ့ပါသည်။ ထို့ကြောင့် ကျွန်ုပ်၏ အကောင်းဆုံးကို ကိုယ်တော့်အတွက် ပေးဆပ်ခြင်းမှတပါး အခြားဘာပြုရပါအံ့။ “နှလုံးသားထဲမှ” ကိုယ်တော့်အတွက် အသက်ရှင်လိုသော စိတ်စေတနာထွက်ပေါ်လာ၏။ ထိုအခါ ကျွန်ုပ်တို့အတွက် များစွာပေးဆပ်ခဲ့သော ကိုယ်တော်အတွက် မိမိ၏အကောင်းဆုံးတုံ့ပြန်မှုထွက်ပေါ်လာစေတော့၏။