"Doctrine" hi Khrifami caah a biapi maw?
- Thursday, 31 May 2012 20:33
- James
"Doctrine" timi cu "cohlangmi or
zumhmi hrampi" tiah kan leh ah hin a khen bik lai dah. Online free
dictionary ahcun, "a principle or body of principles presented for
acceptance or beliefs" tiah a tial. Hika
ahhin zoh te u! Asi ahcun, "Zumhmi" "Hrampi" cu Khrifabu caah a biapi
ko hnga lo maw? "Zumhmi hrampi" a ngei lomi Khrifa cu zeibantuk Khrifa
dah a si hnga? Asi ahcun, doctrine timi cu, zeibantuk khi dah an si?
timi biahalnak hna hi biapi ngai an si ko. Dictionary ah kan hmuhmi
"Doctrine" timi sullam ning in doctrine timi cu tahthimhnak ah "Jesuh cu
Pathian fapa a si tiah 100% bak in "zumh" hi "doctrine" cu a si ko
hnga. "Jesuh min in tipil ing cu khamhnak a si tiah 100% bak in zumh hi
"doctrine" a si - hihi UPC doctrine a si. Hika a donghnak video ah hmuh khawh a si.
Cucaah, doctrine timi zumhmi hrampi
kha a si i, khamhnak he a pehtlaimi zong a si caah, Khrifami caah a
biapi taktakmi a si. Khrifa a simi paoh nihcun "doctrine ngeihlo a
ngahlo" ti khawh a si. Zeicatiah, "doctrine" sullam ning tein "Jesuh cu
keimah khamhtu" a si tiah 100 % in a zumhmi hna caah cun, cu zumhnak cu
"doctrine" a si ko. Phun dang in chim ahcun, "Za ah Za" (100 ah 100%) in
zumhmi paoh cu "doctrine" an si dih. Khrifami zumhmi ah "doctrine" aa
dang ciomi hi "za ah za" (100 ah 100%) zumhmi hi a dang cio caah a si.
Tuchan ahcun "doctrine" a biapi lo.
"Doctrine" hi vanram kainak a si lo. "Doctrine" hi khamhnak he a pehtlai
lo" tiah Khrifami hna nih ti khawh phung hi a si lo. Zeicatiah, vanram
kainak le khamhnak cu "zumhmi hrampi" in a thawkmi an si. UPC nih 100 ah
100% in an zumh i an i tlaihmi cu Jesuh min in tipil ing-nak cu
khamhnak tlamtling hmuhnak a si timi hi a si. Cu tikah, Jesuh min in
tipil a ing lomi paoh hi ta, Khamhnak tlamtling an hmuh ve lai maw? timi
biahalnak a um kho ngaimi a si; cu tikah, ,hithin an zumhmi hi, cohlang
khawhmi a si maw? Ka ca ah a dik kho lai maw? timi hi "study" a herh
bakmi a si. Cucu, doctrine a biapit nak zawn pakhat a si.
Baptist Cawnpiaknak ah "khamhnak" cu
zungzal (forever) caah a si an ti. "One saved, always saved" an ti.
Voikhat khamh na si hnu ahcun, zungzal a nguh" ti hi an i tlaihmi a si. A
awlnak in chim ahcun "khamhnak a tlau kho lo" timi hi a si ko. A duhmi
nih hika ahhin zoh
te u. A pianggthar i, a tlu tthan lengmangmi hna khi cu, a rak
piangthar taktak lo caah a si' timi hi an zumh. A piangthar taktak mi
hna cu, sualnak ah an tluk zong ah, an sual than zong ah an khamhnak cu a
nung ko i, vanram an kai ko lai" timi hi an zumhmi a si. Mah zumhmi
hrampi ( doctrine) hi na cohlang kho maw? study na tuah a herh bakmi a
si. Zeicatiah, khamhnak he a pehtlaimi a si caah, a biapi tukmi a si.
Asinain baptist zumhmi "One Saved, always saved" timi hi AG le UPCI ah
ministers tampi nih an pawm lo an ti; an nih pawmning cu, "khamh" a si
cangmi nih dinfel tein um lengmang a herh; Sualnak ah a tluk sual ahcun
a khamhnak a tlau kho i, a thar in sual ngaichiahnak a ngeih a herh ti
hi an i cawnpiak ning a si. Cucu, Hika le Hika ahhin hmuhkhawh a si. (note:
one saved, always saved" timi hi baptist a si ko nain a pawm kho lomi
mimal an tampi i, AG or UPC a si ko nain a pawmmi mimal an um thiam ve
an ti)
Doctrine ruang ah pakhat le pakhat i
huat cu "hruh" a si. Doctrine ruang ah a huami cu an molh taktak.
Doctrine cu bu ta a si lo. Orgnization ta a si lo. A zumhmi hna an
zumhning a si i, mimal (individual) caah a biapi mi a si. Mahte
(individual) cio in zeibantuk "doctrine" dah cohlang khawhmi an si timi
kha hlat dingmi tu khi a si. Khrifa zumhmi doctrince vialte ah na
cohlang khawhmi doctrine a um lo ahcun, nangmah tein "doctrine" i ser
ko, or nangmah tein doctrine na ngeih khawh hoi lo ahcun, Khrifa si zong
a herh lem hnga lo:).
Khrifami zumhmi ahhin zumhmi le
zumhning aa cio dang. Mah aa dang ciomi cu doctrine an ti hna. Cucaah,
zeibantuk doctrine khi dah, nangmah nih na cohlang khawhmi an si?
Zeibantuk zumhning kha dah na pawm? Hi hna hi, nangmah mimal cungah a
hngatmi a si. Cun, na cohlang khawhmi le na pawm khawhmi "doctrine" te
kha na zulh i, na nunpi awk a si.
Laimi ah pastors le saya nih nih
doctrine kong an chim lonak hi a sau cang. Mino tampi cu nulepa baptist
si ruang ah baptist kan tampi. Kan zumhmi hrampi kan hngal lo. Kan
thannak, kan i pumh tawnnak khrifabu kha tanh thlawrh in kan tanh. Hihi a
hman lomi a si. A zumhmi hrampi hmanh a fiang lomi nih, zeitindah
hrinthan ka si a ti khawh lai? Cucaah, zumhmi hrampi cu khrifami caah,
biapi taktak mi a si hlei ah khrifa sinak hrampi, muru zong a si.
END-----
No comments:
Post a Comment