(စာတန်သည် မည်သူဖြစ်သနည်း)
အချို့သောသူများ၏ယုံကြည်ခြင်းထဲတွင် စာတန်မာရ်နတ်သည် မကောင်းသော သူအ ဖြစ်ယုံကြည်ကြသည်။ သူသည် နီရဲသောအရောင်ဖြင့်သင်၏ပခုံးပေါ်တွင် ဦးချိုနှင့် ထိုင်၍ သင့်ကို အပြစ်ပြုရန် စေခိုင်းသော နတ်ဆိုးဖြစ်သည်ဟု ယူဆကြသည်။ သူသည် ဒုစရိုက်အပြစ်အားလုံးတို့ ၏မူလဇစ်မြစ်ဖြစ်သည်ဟု ထင်တတ်ကြသည်။ သို့သော်သမ္မာကျမ်းစာထဲတွင် စာတန်သည်မည် သူဖြစ် ကြောင်းကို၎င်း၊ ကျွန်ုပ်တို့၏အသက်တာမည်သို့လွှမ်းနိုင်ကြောင်းကို ၄င်း ဖော်ပြထားပါ သည်။ သမ္မာကျမ်းစာထဲတွင် စာတန်သည် အပြစ်ကြောင့် ကောင်းကင်ပေါ်မှ ကျဆင်း လာသော ကောင်းကင် တမန်ဖြစ်ကြောင်းနှင့် သူသည် ဘုရားသခင်နှင့် ဘုရားသခင်၏ ရည်ရွယ်ချက်များကို ဖျက်ဆီးရန် တန်ခိုးနှင့်လုပ်ဆောင်သူဖြစ်ကြောင်း ဖော်ပြထားပါသည်။

စာတန်သည် သန့်ရှင်းသော ကောင်းကင်တမန်အဖြစ် ဖန်ဆင်းခြင်းခံသော ပုဂ္ဂိုလ်ကြီးဖြစ်သည်   ဟေရှာယ ၁၄း၁၂ ထဲတွင် စာတန်သည် ကောင်းကင်မှ ပစ်ချခြင်းမခံမီ သူ့ကို လူစီဖါကောင်းကင် တမန် ဟုခေါ်သည်။ ယေဇကျေလ ၂၈း၁၂-၁၄ ထဲတွင် စာတန်သည် အမြင့်မြတ်ဆုံးကောင်းကင် တမန်၊ ခေရုဗိမ်အဖြစ်ဖန်ဆင်းခြင်းခံရသောသူဖြစ်သည် ဟု ဖော်ပြထားပါသည်။ သူသည် မိမိ လှပမှုကို ၀ါကြွားကာ သူ၏ပလ္လင်တော်ကို ဘုရားသခင်ပလ္လင်တော်အထက်တွင် တင်ထားမည်ဟု ဆုံးဖြတ်ခဲ့သည် (ဟေရှာယ ၁၄း၁၃-၁၄၊ ယေဇကျေလ ၂၈း၁၅၊ ၁တိ ၃း၆)။ စာတန်သည် သူ၏ မာန်မာနထောင် လွှားမှုကြောင့် ပစ်ချခြင်းခံခဲ့သည်။ ဟေရှာယ ၁၄း၁၂-၁၅ ထဲတွင် “ငါလုပ်မည်” ဟူသော စကားစုဖော်ပြချက် များကို တွေ့ရှိနိုင်သည်။ စာတန်သည်သူ၏အပြစ်ကြောင့် ဤလော ကသို့ပစ်ချခြင်း ခံခဲ့ရသည်။စာတန်သည် ဤလောက၏အစိုးရသောသူနှင့် အာကာသကောင်းကင် ၏အစိုးရသော မင်းဖြစ်သည် (ယောဟန် ၁၂း၃၁၊ ၂ကော ၄း၎၊ ဧဖက် ၂း၂)။ သူသည် ပြစ်တင်ဝေဖန်သူ (ဗျာဒိတ် ၁၂း၁၀)၊ စုံးစမ်းနှောက်ယှက်သူ (မဿဲ ၄း၃၊ ၁သက် ၃း၅)၊ လိမ်ညာလှည့်ဖြားသူ (ကမ္ဘာ ၃၊ ၂ ကော ၄း၎၊ ဗျာဒိတ် ၂၀း၃)ဖြစ်သည်။ သူ့နာမည်၏အဓိပ္ပါယ်သည် “ရန်သူ” (သို့) “ပုန်ကန်သူ” ဖြစ်သည်။ အခြားသောသူ၏နာမည်၊ စာတန် ၏အဓိပ္ပါယ်သည် “သတ်ဖြတ်သူ” ဖြစ်သည်။

သူသည် ကောင်းကင်မှပစ်ချခြင်းခံခဲ့ရသော်လည်း သူသည် မိမိပလ္လင်ကို ဘုရားသခင် ထက်မြင့် သောနေရာတွင် တင်ထားလိုသည်။ သူသည် ဘုရားသခင်ပြုသမျှ အားလုံးအတုခိုးသည်။ လူတွေက သူ့ကို ကိုးကွယ်လိမ့်မည်ဟုယုံကြည်ကာ သူသည် ဘုရားသခင်၏နိုင်ငံတော်ကို အံတု ယှဉ်ပြိုင်နိုင်လိမ့်မည်ဟု ယုံကြည်ခဲ့သည်။ စာတန်သည် မှားယွင်းသောအယူဝါဒနှင့် မှားယွင်းသော ဘာသာတရားတို့၏ ဖြစ်လာရာ မူလဇစ်မြစ်ဖြစ်သည်။ စာတန်သည် ဘုရားခင်နှင့် ဘုရားသခင် ကို နောက်လိုက်သောသူများကို ပုန်ကန်နိုင်သော အရာများအားလုံးကို သူ၏တန်ခိုးဖြင့် ပြုနိုင်သည်။ သို့သော် စာတန်၏နောက်ဆုံးပန်းတိုင်သည် ထာဝရငရဲမီးအိုင်ဖြစ်သည် (ဗျာဒိတ် ၂၀း၁၀)။