Dawtmi Chin Mino Vialte,
Nan hawidawt Tial Lian Thang
nih Bawikrih min in nan umnak cio ah nan kut kan tlaih hna. Bawipa nih
sunparnak co ko seh. A tha tuk mi kan Pathian a min hlorh in um chin ko
seh.
Tuchun kan i hrawm ding ah thimmi Bible caang cu:
Jonh 3:10
Pathian
nih an tuahmi kha hmuh i an ziaza thalo an hlawt kha a hmuh tikah aa
ngaichih i an cungah ka thunter lai a timi thatlonak kha a tlunter than
lo.
Bawipa min thangthat si ko
seh. Kan Pathian cu a biakam a let ballo mi Pathian a si ko nain a
thukmi le a nganmi a dawtnak ruangah a biakhiahnak hmanh ai chir i a let
mi Pathian a si. A dawtnak ruangah thangthat si ko seh. Bawipa nih
Jonah hmang in a sual tukmi Neneveh khua kha hrawh dingah "An sualnak i
ngaichih in thatlonak kaltaak ding in" a thanhter tikah an
siangpahrangpa thokin khua chungum mi vialte hna nih an sualnak cu an i
ngaichih i an siangpahrang thok in ngakchia bik tiang le an satil tiang
hmanh rawl lo le ti lo in sual ngaichihnak he thla an camnak aw nih
Bawipa thinlung a tongh i a biakhiahnak let in an sualnak a ngaihthiam
hna i an khua cu hrawk loin a luat ter than.
Cucaah hawidawt, relcawklo na
sualnak ruangah Pathian thinlung ah mei bang in a lin mi thinhunnak nih
a chuahpi dingmi dantatnak vialte chungin na luat khawhnak ding caah
thinlung dihlak sual ngaichihnak he Bawipa panh usih law thatlonak kha
mer taak cang hna usih. Nihin tiang kan sualnak vialte chungin nunnak a
kan pek rihmi hi kan sualnak in i chirnak caan tha kha Bawipa nih a kan
hngah caah a si ti thei bu tein zungzal nunnak lam ah panh in le sualnak
ah kir than ti lo dingah Bawikhrih min in kan sawm hna.
Bawipa nih a nungmi a bia a thar in thluachuanak kan pek piak ko seh.
Upatnak he,
Tial Lian Thang
Australia, Melbourne
No comments:
Post a Comment